Blog Single

सुर्खेतको प्रसिद्ध धार्मिक स्थल पञ्चकोशी क्षेत्रको प्रवर्द्धन गर्ने उद्देश्यका साथ आयोजना हुन लागेको “पञ्चकोशी धार्मिक तथा पर्यटन महोत्सव” को तयारी बारे आयोजित पत्रकार सम्मेलन आज भव्य रूपमा सम्पन्न भएको छ।

📍 महोत्सव अवधि: २०८३ वैशाख १३ देखि १९ गतेसम्म 🤝 समन्वय: सुर्खेत उद्योग वाणिज्य संघ 🕉️ आयोजना: पञ्चकोशी क्षेत्र विकास संस्था

कार्यक्रमका मुख्य झलकहरू:

✅ धार्मिक पर्यटन र आर्थिक समृद्धि: सुर्खेत उद्योग वाणिज्य संघका वरिष्ठ उपाध्यक्ष श्री दिपेन्द्र ढकालले यस्ता महोत्सवले आन्तरिक तथा बाह्य पर्यटक भित्र्याई निजी क्षेत्रको आर्थिक स्तर उन्नति गर्ने र महोत्सव सफल पार्न संघले पूर्ण हातेमालो गर्ने बताउनुभयो।

✅ कर्णालीलाई विश्वभर चिनाउने अवसर: नेपाल उद्योग वाणिज्य महासंघ कर्णाली प्रदेशका अध्यक्ष श्री धनबहादुर रावतले कर्णालीलाई पर्यटकीय खानीको रूपमा चित्रण गर्दै यसको प्रचार-प्रसारमा निजी क्षेत्रको सक्रिय भूमिका रहने उल्लेख गर्नुभयो।

✅ शुभकामना र ऐक्यवद्धता: संघका वाणिज्य उपाध्यक्ष श्री सिंहराज बमले महोत्सवको सफलताको शुभकामना व्यक्त गर्नुभयो।

✅ तयारी र प्रगति: पञ्चकोशी क्षेत्र विकास संस्थाका अध्यक्ष श्री नवीन कुमार जोशीले हालसम्मको प्रगति प्रतिवेदन र महोत्सवको आध्यात्मिक महत्त्वबारे प्रकाश पार्नुभयो।

🎤 सञ्चालन: सुर्खेत उद्योग वाणिज्य संघका महासचिव श्री रामप्रसाद जैसीले कार्यक्रम सञ्चालन गर्नुभएको थियो।

पत्रकार सम्मेलनमा सुर्खेतका क्रियाशील पत्रकारज्युहरू र विभिन्न धार्मिक समूहका अगुवाहरूको उत्साहजनक सहभागिता रहेको थियो।

धार्मिक र पर्यटकीय सम्पदाको संरक्षण र प्रवर्द्धन गर्ने यस महाअभियानमा हामी सबै जुटौँ! 🙏

#PanchakoshiMahotsav #Surkhet #TourismNepal #KarnaliProvince #VisitSurkhet #CCI_Surkhet #ReligiousTourism #NepalEvents