उवासंघ सचिवालय
देहरादुन माघ ९ । सुर्खेत उद्योग वाणिज्य संघले सुर्खेत लगायत कर्णाली प्रदेशमा औद्योगिक क्षेत्रमा लगानी गर्न भारतीय उद्योगपतिहरुलाई आग्रह गरेको छ ।
त्रिवर्षीय रणनीतिक कार्य योजना बनाउन भारतको उत्तराखण्ड राज्यको राजधानी देहरादुनमा रहेको संघको कार्य समितिले माघ ११ गतेका दिन यहाँका उद्योगपतिहरुसंगको भेटमा यस्तो आग्रह गरेको हो ।
इण्डष्टिज एशोसियसन अफ देहरादुनका पदाधिकारीसंग भएको भेटमा संघका अध्यक्ष धनबहादुर रावतले कर्णालीमा जडिबुटी, जलविद्युत र पर्यटनमा लगानी गर्न आग्रह गर्नुभयो ।
देहरादुन र कर्णालीबीच धार्मिक पर्यटनको क्षेत्रको प्रशस्त सम्भावना रहेको औल्याउँदै उहाँले त्यसका लागि सहजीकरण गर्न आपूmहरु तयार रहेको जानकारी गराउनुभयो ।
जडिबुटीको खानी रहेको कर्णालीमा औषधी उद्योगपनि सञ्चालन गर्न सकिने भन्दै अध्यक्ष रावतले देहरादुनका औषधी उद्योगीहरुलाई लगानीका लागि आग्रह गर्नुभयो ।
भर्खरै वामे सर्दै गरेको कर्णाली प्रदेशको समृद्धिका लागि बाह्य लगानीको पनि उत्तिकै रहेको भन्दै अध्यक्ष रावतले लगानी आकर्षण र सुरक्षणका लागि सुर्खेत उद्योग वाणिज्य संघले पहल गर्ने प्रतिवद्धतापनि जनाउनुभयो ।
कार्यक्रममा इण्डष्टिज एशोसियसनका अध्यक्ष पंकज गुप्ताले भारत र नेपालबीचको दौत्य सम्बन्धसंगै अब व्यवसायिक सम्बन्धपनि विस्तार गर्नुपर्ने आवश्यक्ता औल्याउनुभयो ।
एकैचोटी ठूलो लगानी र ठूल्ठूला उद्योग सम्भव नभएपनि साना तथा मझौला उद्योगहरुलाई स्तरोन्नति गर्दै अघि बढ्नुपर्नेमा उहाँले जोड दिनुभयो ।
यस्तै देहरादुनका प्रतिष्ठित उद्योगी आर.एन.एस रावतले उत्तरप्रदेशबाट अलग्गिएर उत्तराखण्ड बनेको १९ वर्षमा धेरै औद्योगिक प्रगति भइसकेको उल्लेख गर्दै कर्णालीमा पनि त्यस्तै सम्भावना आपूmले देखेको जिकिर गर्नुभयो ।
संघका पदाधिकारीहरुले आजै देहरादुनस्थित गोर्खा सुधार समाजका पदाधिकारीसंगपनि भेटघाट तथा छलफल गरेको छ । 
भोलि विहीबार उद्यमसिंह नगरस्थित कुमाउ गढवाल उद्योग वाणिज्य संघका पदाधिकारीसंग अन्तरक्रिया गर्ने कार्यक्रम रहेको छ ।